Cümə, 29.03.2024, 11:20
Daxil oldunuz Гость | RSS

Www.Ehlibeyt.Clan.Su

Menyu
Qısa Məktublar
Bizim sual
Bismillahsiz Sure?
Всего ответов: 1719
Sayğac
İslami Saytların Reytinqi
Onlayn cəmisi 1
Qonaq 1
İstifadəçi 0

Главная » 2010 » May » 18 » İstimna və Onun Zərərləri
22:58
İstimna və Onun Zərərləri
MASTRUBASIYA VƏ ONUN ZƏRƏRLƏRI

Ədəbsizliyin ətrafımızda çoxaldığı, açıq saçıqlığın epidemik xəstəlik kimi cəmiyyətə yayıldığı bir dövrdə yaşayırıq. Bu xəstəlik az-çox hər kəsi təsiri altına almaqdadır. Xüsusilə gəncliyin mənəvi duyğularını yaralamaqdadır. Nəfsi hissləri təhrik edən ünsürlərin çoxalması gənclərdə bəzi pis vərdişlərin artmasına səbəb olur. Bunun nəticəsində insanın maddiyatında və mənəviyyatında bəzi axsaqlıqlar meydana gəlir. Hiss və həvəslərinə məğlub düşən bir çox gənclərimiz mövcüddur. "Mastürbasiya" bu barədə ən sıx müraciət edilən təmin yoludur. Hər şeydən əvvəl, anormal bir hərəkət olan bu iş, iradəsi zəif kəslərdə görülən bir vərdişdir.

Nəfs və həvəslərinin təzyiqi altında olan gənclərə Peyğəmbərimizin göstərdiyi yol ən gözəl yoldur. Bu yolla gənc, həm ibadət etmiş olar, həm də özünə hakim olma çarəsini tapar.
 Bir hədisdə Peyğəmbərimiz (s.a.a.) belə buyurmaqdadır: «Ey gənclər, sizlərdən evlənməyə gücü çatan evlənsin. Çünki evlilik gözü harama baxmaqdan son dərəcə önləyici, iffəti də ən yaxşı qoruyucudur. Evlənməyə gücü çatmayan kimsə də oruc tutsun. Çünki oruc, qüvvətli bir şəhvət hissini öldürəndir." 

Başda oruc olmaq üzrə, islami və imanı məsələlərlə məşğuliyyət və insanı günahdan qoruyan bir ətrafda olmaq, onun harama yönəlməsinə mane olan ən gözəl çarədir. Əxlaqlı kəslərlə yoldaşlıq etmək lazımdır.

MASTÜRBASİYANIN BƏZİ ZƏRƏRLƏRİ 

1) Psixoloji Cəhətdən:

Həddindən artıq mastrubasiya həvəskarlarında kədər, dalğınlıq və alçaqlıq duyğusu meydana gələr. Hər mastrubasiyadan sonra ümumiyyətlə bir peşmanlıq və ruhi sıxıntı meydana gəlir. Edilən bu iş xatirə gəldikcə bu işi edənlər, bir alçaqlıq və günahkarlıq duyğusuna qapılaraq, mənəvi cəhətdən zərərə uğrayarlar.

Mastürbasiya vərdişi, bir qisim əsəb pozuqluqlarına gətirib çıxarır. Çox əsəbiləşmələr, əl və qol titrəməsi, baş gicəllənməsi, yuxusuzluq, yorğunluq hasil olar.

Mastürbasiya vərdişi, insanı eşq və sevgidən məhrum edər. Evlilikdəki səadət təməlləri, sevgi bağları üzərində qurular. Evlənən cütlüklərin, yalnız bədənlərinin birləşməsi evlilik səadətini meydana gətirə bilməz; bədənlə birlikdə hər iki ruhun sevgiylə birləşməsi lazımdır. Mastürbasiyaya çox düşkün olanlar isə, ruhun dərinliklərindən fışqıran bu sevgi mənbəsindən, lazım olan hissəni ala bilməzlər. Mastürbasiya, sevgi cövhərini korlaşdırmaqdadır.

Çox mastürbasiya, yaddaş zəifliyi, diqqətsizlik və unutqanlıq əmələ gətirər. Bir şeyi əzbərləməyi çətinləşdirər. Əzbərlədikləriniz də tez unudular. Bir mövzunu oxuyarkən, bütün diqqətinizi cəmləyə bilməzsiniz. Diqqət dağınıqlığı meydana gələr. Oxuduqlarını da asan anlaya bilməz. Həddi buluğa çatmamış uşaqlarda, mastürbasiya ilə sperma gəlmədiyindən, həddindən artıq mastürbasiya bu uşaqlarda, beyin və əsəb sarsıntısı əmələ gətirər, zehini inkişafa mane olar.

 Mastürbasiyayla məşğul olanların, şəhvət xəyalları və şəhvət dolu düşüncələri artar. Mastürbasiyanı vərdiş edən gənc, gecə yatağına girdiyi zaman, kor-koranə bir çox şəhvət xəyallarıyla zehnini məşğul edər. Fikrini bu duyğulara yönəldər. Bu həm mastürbasiyaya daha çox səbəb olar, həm də yaxşı şeylər düşünməyə fürsət verməz. 

 

2- Həddindən artıq Mastürbasiyanın Fiziki, Cinsi və İctimai Zərərləri:

İnsanı maddi istiqamətdən istismar etməyə istiqamətli bəzi vəsaitlər, kişilərdə ruhi çöküntülərə səbəb olmaqdadır. Tibbi baxımdan bu cür vərdişlərdən uzaq olmaq tövsiyyə edilir. 
Mastürbasiya, insanı ölçüsüzlüyə sövq edər. Əslində mastürbasiya insanı təmin etməz; doyum və rahatlıq meydana gətirməz. İnsanın cinsi zövq və hisslərini təmin edilməmiş buraxaraq, daha çox təhrik edər, coşdurar. Bundan ötəridir ki mastürbasiyaya davam edənlərin, bu arzuları getdikcə şiddətlənərək bu işi çox irəli aparar. Bu da zərəri artırar. Həddindən çox cinsi münasibətlər də zərərlidir; lakin mastürbasiyanın çoxu daha çox zərərlidir.

Çox mastürbasiya, müxtəlif xəstəliklərə və narahatlıqlara səbəb ola bilər. Mastürbasiya, birbaşa xəstəlik meydana gətirən deyil deyə düşünmək səhvdir. Çünki ölçüsüz mastürbasiyalarla, bədən qüvvədən düşərək qan dövranının qüvvəsini azaldar, bəzi narahatlıq və xəstəliklərə gətirib çıxarar.

Mastürbasiya həvəskarları, cinsi münasibətdən lazım olan zövqü ala bilməzlər. Bu işi mütləq vərdiş halına gətirən kəslər, cinsi münasibətlərə -ailə həyatında- əhəmiyyət verməzlər. Bundan çox zövq almazlar. Bu hal, mastürbasiya edən qadın və kişilərin, hər iki cinsdə də görülə bilər. İkisi də özlərini dadsız zövq (!) vərdişinə öytətdiklərindən yoldaşlarıyla etdikləri münasibətdən təmin ola bilməzlər. Belə kəslər üçün, mastürbasiya daha cazibədar görünər.

Qadın və kişini yaradan böyük Sənətkar, onları elə bir sənət və ustalıqla yaratmışdır ki, onların cinsi birləşmə əsnasındakı zövq alveri, başqa heç bir süni üsullarla əldə edilə bilməz…

Mastürbasiya nəticəsində bədən yorular, ruh sıxılar. Halbuki müvəffəqiyyətli bir cinsi münasibətdə bədən istirahət edər, ruh fərahlanar. Mastürbasiyada isə bunların heç biri olmadığı kimi, qiymətli kimyəvi maddələr zorla bədəndən xaric edilməkdədir. Bunun nəticəsində, insanda fərahlıqdan uzaq bir çöküntü və yorğunluq meydana gəlməkdədir.

 Mastürbasiya vərdişi, bel ağrısına (erkən boşalmağa və sidik yolları da daxil olmaq üzrə digər narahatlıqlara) gətirib çıxarar. Evlilik həyatında, kişilərin şikayətlərindən ən çox görüləni də bel ağrısıdır. Bel ağrılarının müxtəlif səbəbləri ola bilər amma, mastürbasiya da başda gələn səbəblərdəndir. Belə narahatlıqlarla qarşı-qarşıya qalmamaq üçün, mastürbasiyanı tərk etmək lazımdır. 

 Həddindən artıq mastürbasiya vərdişi, qadınlarda cinsi soyuqluğa da səbəb olar. Cinsi soyuqluq: Qadının cinsi münasibətdən həzz almaması, hissdən soyuq və istəksiz olmasıdır. Bu hiss soyuqluğunun müxtəlif səbəblərindən biri də, vərdiş halına gətirilən həddindən artıq mastürbasiyadır. 
İşin qəribə tərəfi, bu tip bəzi kəslər, evləndikdən sonra da bu xəstəliyi davam etdirərlər. Çox mühüm bir evlilik vəzifəsi olan cinsi əlaqə fəaliyyətlərində, yoldaşlarıyla çox maraqlanmazlar. Nəticədə yoldaşlar bir-birlərindən uzaqlaşarlar. "Cinsi istəklərini' öz-özünə dindirməkdən zövq alarlar, tənhalığı sevərlər, həmişə tək qalmaq istəyərlər, fürsət tapdıqca bu pis oyunu oynayarlar.

Mastürbasiya edən bəzi gənclər, bu pis işə başqalarını da alışdırarlar. Yalnız öz etdikləriylə qalmayıb, cəmiyyətdə bir çox uşaqlar və gənclər arasında, bu pis xəstəliyin yayılmasına səbəb olarlar.

Bir başqa zərəri də, cütlərin bir-birindən nifrət etməsi, cinsi həzz duymamasıdır. Çünki masturbasiya edən adam, başqa bir yoldan şəhvətini təmin edərək öz arzusuna çatmaqdadır. Bunun mənası, yoldaşların bir-birindən gözlədiyini tapa bilməməsi və ümidlərinin qırılmasıdır. Sonunda yoldaşlar bir-birindən uzaqlaşar və başqa təmin yolları axtararlar. Qeyri qanuni yollara yönələ bilərlər.

Mütəxəssis elm adamlarının mastürbasiya mövzusunda araşdırma nəticəsi ortaya qoyduqları gerçək budur: Həddindən artıq mastürbasiyaya davam edənlər, çox təhlükəli xəstəliklərə məruz qalar. Bunları belə sıralıya bilərik: Unutqanlıq, iradə zəifliyi, yaddaşda geriləmə, təkliyə həvəs, tez unutma, qorxu və boşalma, kədər və çətinlik, bəzi cinayətlərə təməli hazırlama, intihar.
Buna bənzər bəzi düşüncəni alt-üst edən, iradəni yaxşıca zəiflədib, şəxsiyyətin zədələnilməsi kimi xəstəliklər.

 

Yazar: M.Lənkəranlı

Категория: Məqalələr | Просмотров: 6251 | Добавил: imamrza_asiqi | Рейтинг: 2.6/8
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Axtarış
NAMAZI BELƏ QILAQ


İslama Xidmət © 2024
Конструктор сайтов - uCoz