Главная » 2010 » Avqust » 4 » Ayətullah Məkarim Şirazi: “Məhdi (ə) zühurunun intizarında olmaq özünü qurmağa doğru hərəkətdir”
00:02 Ayətullah Məkarim Şirazi: “Məhdi (ə) zühurunun intizarında olmaq özünü qurmağa doğru hərəkətdir” |
Deyerler.org:
Ayətullah Məkarim-Şirazi İmam Zaman (ə) ağanın vəladətini təbrik
edərək, bəyanat vermişdir: "Məhdi (ə) zühurunun ümidi və intizarında
olmaq məyusluq pasından təmizlənməyə və özünü qurmağa doğru hərəkətə
səbəb olar”. (abna)
"Dünya bəşərinin böyük xilaskarının doğum
günü və Həzrət Məhdinin (ə) haqq və ədalət bayrağının dalğalandığı an
bu məktəbin bütün aşiqləri üçün müjdədir.
O dünyada ki, şər və
bəla qapı və divarlardan yağır və hamı zülm və əziyyətdən yorulmuşdur -
öncül axtarırlar, əmin-amanlığın, sülhün, ədalətin intizarında və
ümidindədirlər. Hamı o xilaskarın intizarındadırlar. Onu yada salmaq
qəlbləri sakitləşdirər və məyusluq pasını təmizləyər. Özünü qurmağa
doğru hərəkətə və zühuru üçün zəminə hazırlamağa səbəb olar. Bərəkətli
olan bu vəladət əyyamı mübarək Ramazan ayına daha yaxşı hazırlaşmaq
üçün bir vasitədir. Çünki mübarək Ramazan ayı - insanın ruh və cisminin
saflaşdığı və Allaha yaxınlaşdığı aydır. Allah ziyafəti olan bu gözəl
ayın yaxınlaşması nəticəsində bütün insanlar qəlbin və canın tövbə
suyuna bürünür və təqva libası geyinərlər. Özlərini ən gözəl əxlaqla
bəzəyərlər. O, İlahi və mənəvi ziyafətdə iştirak etməyə hazırlaşarlar.
Rəhim və Rəhman Allahın bu ümumi dəvəti Əziz Peyğəmbərimiz (s)
tərəfindən imzalanmışdır. Necə də gözəldir nurlu səhər vaxtları və
səfalı axşam çağları. Necə də nuranidir intizarla sərilmiş süfrələr ki,
ətrafında səfa və nur ilə ailə üzvləri, xüsusilə də cavanlar toplaşar
və Allahı zikr etməklə məşğul olarlar!
Ümid edirik ki, bu böyük
ayda dünya müsəlmanları arasında bağlar halqası yaranacaqdır. Dünyanın
harasında olurlarsa-olsunlar üzlərini Allaha tərəf çevirəcəklər.
İttihad bağlarını möhkəmləndirəcək və müsəlman cəmiyyətindəki yetim və
yoxsulları fikirləşəcəklər. Onların yaralarına məlhəm olacaqlar. Bütün
dünyanı bürüyən fəsaddan özlərini qoruyacaqlar. Öz islami dəyərlərinə
qayıdacaqlar. İslamın ən mühüm təlimatı olan məhəbbət və dostluq
mədəniyyətini dirçəldəcəklər. Səmimi qəlbdən sizlərin hamınızı dua
edirəm”.
/Deyerler.org/
Bütün hüquqlar qorunur.
Veb-saytın materiallarından istifadə zamanı "Deyerler" AIN-ə istinad (www.deyerler.org) zəruridir |
|
Категория: Xəbərlər |
Просмотров: 1218 |
Добавил: imamrza_asiqi
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |