Bağışlayan və Mehriban Allahın adı ilə...

İyul ayının 28-də Əhli-Beyt aşıqlərinin həsrətlə intizarında olduğu Vilayət Günəşinin 12-ci Nuru İmam Əbu Saleh Əl Məhdi Ağamızın mübarək mövlud günü münasibətilə Maidə şadlıq sarayında bayram tədbiri keçirildi. Təşkilati heyət olaraq www.islamadogru.biz saytı, Əl-Məhdi heyəti, Əbəlfəzl heyəti və İxlas qrupunun  birgə layihəsi olan bu mübarək bayram tədbirinə bir çox tanınmış qonaqlar və mömin bacı-qardaşlarımız dəvət olunmuşdular. Tədbiri giriş sözü ilə ilahiyyatçı alim Hacı Cavad məscidinin axundu Hacı Əhliman Rüstəmov açdı. Daha sonra isə bir çox ilahiyyatçılar çıxış etdilər. Hacı Ceyhun, hz Zəhra məscidinin axundu Hacı İlqar, Məşədi Hüseyn və Qum Elmiyyə hövzəsinin tələbələrindən olan Kərbəlayi Cavad çıxış etdilər. İlahi mahnı qruplarından Əbli-Beyt qrupu və İxlas qrupunun ilahiləri tədbirə daha da rəngarənglik qatdı. Həmçinin tədbirdə Əhli Beyt məddahı Surxay Qedirxum da gözəl bədiyyələrini təqdim etdi. Tədbirdə kiçik bir viktorina keçirildi. Hacı İlqarın verdiyi suallara cavab verən 3 nəfər bayram hədiyyəsi ilə mükafatlandırıldılar. Təbii ki, suallar məhz İmam Zaman Ağamızın (ə.f) həyatı ilə bağlı oldu. Sonda hamılıqla İmam Zaman Ağanın fərəc duası oxundu və tədbir gözəl əhval-ruhiyyə ilə başa çatdı. Tədbirin videoyazısı tezliklə sayt istifadəçilərinin xidmətinə veriləcək. Hələlik isə tədbirdən çəkilmiş şəkilləri xidmətinizə veririk. Bir daha Bayramınız mübarək olsun... Şəkillərin üzərinə tuşlayın, iri formada baxın.