Kaş Allah səni
zinətləndirdiyi kimi, bizi də zinətləndirərdi. Kaş Allah səni sevdiyi
kimi, bizi də sevərdi. Sənin məqamların sayəsində bizlər çox şey öyrənə
bilərdik. Amma öyrənmədik, öyrənmədik ona görə ki, dünya malına aşiqik,
aşiq məşuqundan ayrıla bilmədiyi kimi, ayrıla bilmirik dünya
zinətindən. Həqiqi zinəti görmürük, Allah bizi necə sevsin. Necə bizi
öz gözəllikləri ilə zinətləndirsin.
Sənin vəfatını eşidəndə
narahat oldum, gözlərim doldu, bir anlıq səcdəyə gedib Allaha
yalvardım. Dedim: "Allah necə bir mömini (özü də necə mömini, onu görən
hər bir kəs onun nəfəsindən, onun nurundan şəfa tapar) vəfatından öncə
narahatlıq keçirmədim, hiss etmədim bizimlə vidalaşdığını, hiss etmədim
nəfəsini, axır nəfəsini və gözlərini yummağını”. O əbədi xoşbəxtliyə
gözünü açdı, vay bizim halımıza – kimisi yuxudadır, kimisi də əbədi
ölüdür, kimisi xəstədir, kimisi də şəfa tapmaq istəyir.
Behcət
ağamızın haqqında bəzi bilgimiz var. Ayətullah Misbahın ağa Behcətin
haqqında danışdığı bir xatirə məni özünə cəlb etdi. O, belə nəql edir:
"Həzrət Behcətin 40 il boyunca yerinə yetirdiyi gündəlik bir proqramı
var. Hər gün iki tülü arasında hərəmə müşərrəf olar və gün çıxana qədər
orada qalar. Hər gün Həzrət Məsumənin (ə) müvəhhər hərəmində Cəfər
Təyyar namazı qılar və digər ibadətləri yerinə yetirərdi”. Dostlarından
biri nəql edərdi ki, Ağa Behcət bir gün gecə namazından sonra buyurdu:
"Əgər dünya sultanları bilsəydilər ki, insan ibadət halında necə
ləzzətlər alır, heç bu maddi məsələlər dalınca getməzdilər”.
Həqiqət budur: Biz
dadmamışıq namazın ləzzətini, onun insana bəxş etdiyi keyfiyyətləri.
Özümüzü Allahı sevən kimi sayırıq. Bəs hanı o sevgi ki, onunla
etdiyimiz söhbətə gecikirik?
Ağaya sual edirlər: "Allaha
yaxınlaşmaq istəyirəm. Lütfən mənə yol göstərin. Bu işdə ustada ehtiyac
varmı?” "Allahın adı ilə. Ustad elmdir, müəllim vasitə. Öz məlumatınıza
əməl edin, bildiklərinizi ayaq altına atmayın. Bu hədis - "öz
bildiklərinə əməl edən kəsi Allah bilmədiklərinin də varisi edər " və
Qurani Kərimin bu ayəsi - "Bizim yolumuzda cihad edib çalışanları öz
yollarımıza hidayət edəcəyik” (Ənkəbud, 69). Əgər bir nəticə olmasa,
bilin ki, ona əməl etməmisiniz. Gün ərzində bir saatınızı da dini
elmləri öyrənməyə ayırın”.
İnşəallah Allah bizləri həm Əhli-beytin (ə), həm də Behcət ağa kimi alimlərin nəzərlərindən bəhrələndirsin.
Amin, ya Rəbbəl-aləmin.
Zeynalova Yeganə,
"Dəyərlər”in oxucusu
|